نسيتك ما هقيت إني أباصل سكة النسيان

وصلتْ وليتني أرجَعْ ويرجع قلبي الأول

كفاني كاسك العلقم ثمَلْت بسكرة الأحزان

محُال أرجع ولو تبكي وطَرفْك يلتهب يذبَلْ

قسيت وما هقيت إني أبقسى يا أعزّ إنسان

يموت الوَجْد في روحي وذاك الحب يتحّول

ولا في خاطريِ كلْمة ولا في خافقي وِجْدان

وي ذبحتْ الحس في جوفي وظُلْمك كم معي طَوَّلْ

وأنا من كِنتْ بالماضي فؤاد عاشقٍ ولهانْ

إذا عينك ملاها غيثْ أحسْ الكونْ يتزلزل

سليت وما هَقيتْ إني بأعايش لحظة السلوان

أبيعك وأبتعد عَنّك وأسيبك وأحْترق وأذْبل

ولكن وقتي القاسي كفيل يعالج الحرمان

قِدَر يمحيك من ذاتي ويمحي الماضي الأجمل

دخيلك لا ترّجاَني نسيتك يا حَبْيبٍ كانْ

حسافة صرِتْ لي هاجس يجي لحظات ثُمْ يرحل