إذا كان البكا ضعفي فحبي ضعفك الأكبر

مع كل البشر فارس معي طفل يتيم الحال

تحديتك على الفرقا وبأقواها ولا تقدر

على بعدي ولو لحظة فما بالك إذا هو طال ؟

شديد الباس من يقواك ؟ عشقت الموت والاخطر

وصرت اللي غدا عمره ينازل عالم الانذال

ولكني أنا روحك أنا موتك إذا أهجروي

أنا سيفك انا وجدك انا غيثك وأنا الزلزال

تحاول ودك تداري وضعفك للأسف يظهر

عيونك كم تبوح وكم تنادي قلبي المختال

وتمثّل دورك البارد وتحسبني أنا أنغر

قناعك يخفي اللهفة حبيبي يا طفل محتال !

تخادعني وأنا من بد كل الناس بك أخبر

كفايه يا عيوني كبت كفاية عيشة الترحال

قيودك تنشد الطلقة حنينك عَذّب الدفتر

رقيق الحس بالفطره وعاصر قلبك الاهوال

حنانك سيل ما ينشف ومن كل المطر أغزر

يعطّشني على حساب الرجوله وعزّة المنزال

تجيني تفرض الكلمة ووجهك شاحب أصفر !

تناديني عيونك شوق وبوحٍ ما وصل للجال

أحس أنك سجين الحب وغيمك عاجزٍ يمطرّ

تكود النكوفه لو عليكم يسهل المدخال !

أبيك تكون قد الحب وأبيك تحبني أكثر

ترى ضعفك معي قوة بعيني يا عريب الخال

ولو تبغي صراحه اليوم على بعدك أنا مقدر

أنا أتغلي لأني بنت حياها يحكم الأحوال

أنا وانته نحب بصمت وحبل الصمت ما يقصر

وليته ينقطع ونبوح ونحي ميّت الآمال