بالبحر والورد والبيد والليل

تلقى النفوس الصافية مشتهاها

بالفجر والطير والشعر والخيل

ألقى المعاني بالغة منتهاها ..

الله عطانا من ينابيعها سيلْ

يروي النفوس بوَجْدها مَعْ هواها

وشْوف الجبال النايفة ترفض الميلْوي

أقصى فؤادي يرتعش في ذراها ..

روح البداوة تجتذب نَفحة الهيلْ

والريح تبعث زهرةٍ في نَداها

ولقيا حبيبٍ يعشقه خافقي حيل

ما ظَلّ فيني نَبْضة ماسقاها!

أجمل مقاديري أنا بالمواصيل

وسط الرياض العامرة في بهُاها

ليمن أناظر صاحبي يضوي سهيلْ

وتسكب علينا غيمة الشوق ماها