أن لك كل ما بالكون عن الآهة أنا أفداك

وثيقة عمري الغالي عليها إسمك المختوم

أنا لك واحة فُنودك وأنا ديمة على صحراك

وأنا لك أرض مفروشة بثغر الورد والمشموم

وأنا لك ليلك الآمن وإذا تتعب أنا مركاك

عيونك ترشف الأحلام وأنا عيني محال تنوم

وأنا وقت البكا راحة تنادي ياحبيبي هاكوي

تفضّل كل ما تبغى وعَطْني كاسِكْ المسموم

يميني فرحة أيامك إلى من عانَقَتْ يمناك

يصير الكونْ غير الكون يصير الأمس غير اليوم

أنا نجمة بليل الصمت وفي خَدّ السما مسراك

وأنا صدرٍ رحيب الدار يخاوي صدرك المهموم

وأنا اللي شالتكْ عيني وداسَتْ لجُلك الأشواك

وأنا اللي ضَمّتك روحي وناجَتْ سِرّك المكتوم

وأنا قلبٍ شَهَقْ أنا قلبٍ عَجَزْ يناسك

أنا مِنْ جيتها تبكي غريبٍ تايهٍ محرومْ

وأنا اللي داعَبَتْ شَعْرك وأنا اللي خافقي أعطاك

حنانٍ طاهرٍ نادر وفي كلّ البشر معدوم

وانا اللي ودَّها شْوفك وأنا اللي مستحيل ألقاك

أنا مِنْ حْال من دوني تقاليد وأهل وسْلوم

وأنا اللي أعشقك بالحيل وأنا من للأبد تهواك

أنا حرحٍ مَلاه الوقت سيوفْ وخنجرٍ وسْهوم

أنا أحبك أنا أحبك أنا ياقاتلي أهواك

عطيتك كلّ ما فيني وإسمك داخلي مختوم ؟