وِش يقول اللي غَدا ليله طويل

وش يقول اللي زمانه عَذّبه؟

إنجرحَتْ بطعنة السيف الصقيل

حُبّي اللي جايرْ الوقت إنهَبهْ

وإختنقت بعبرتي يوم الرحيل

يوم سافَرْ والذوارف تندبَهْ

وإصدمتني صفعة الحلم الجميلوي

يوم أناظِرْ في بقايا مركبَهْ

آه ياللي بالبشر مالك عَديل

ذِقْت من صافي غديرك أعدَبَهْ

وآه ياللي خذْتني للمستحيل

صرِْت أخاوي من زماني أصْعبه

صرِتْ وحدي لا ولا غيرك بديل

يا حبيبي والليالي مُتْعبة ..

كل عمري قَبْل أشوفك يا الخليل

عُمْر ضايع من حياتي بأحسبه

ولا رِحَلتْ ودمعتي الخجلى تسيل

بأكتب إسمك في جبيني بأكتبه

بأحملك في داخلي نبعٍ يسيل

لوسقاني كاس علقم بأشربه ..

وإن ذبحته وإرتمى فيني قتيل

بأعترف للكونْ إني مذنبة؟

مات حًبّي ما بقى منَّهْ دليل

غير نَصْبٍ وسَْط قلبي بأنصبه