الوضع اشوفه منعكس ومتغيّر

مهما بغيت تعدل الوضع عيّا

دورٍ به العاقل صحيح متحيّر

واللي يريد بخاطره ما تهيّا

واكبر مصيبة كل ماجا مسيّر

وقال الجماعه قلت ماهم هنيّا

دام القريب من القريب متذيّر

وسوس له الشيطان من غير شيّا

هذا خطا مايقبله كل خيّر

ماكان سلم اسلافنا هالسويّا

راحوا هل الجيره وحق المجيّر

ابعد علينا من نوال الثريّا

ولا اقول ماباقي للأجواد ديّر

ما أذم عشاق الشرف والحميّا