البل عطايا الله اللي قدرها عالي

سفن الصحاري سعدها في قوايمها

تبي لها واحدٍ يبذلها الغالي

مثل (الفريحي)مدللها ومكرمها

ومثله رجالٍ تقدر حرش الاذيالي

عن صالح الذود ما تبرد عزايمها

واللي سجنها بشبكوقيد وعقالي

حقيقه إنه مهين البل وظالمها

تأكل بعضها زعل من قلة الوالي

تصرّف اللي يهين الإبل حطمها

خص اللي حطها في شبكالاهمالي

يومين عنها يغيب ويوم يطعمها

واللي يبي يعترض ويعارض امثالي

يرسل علّيه تقاريره ويحكمها

وباتصرف معه في كل الاحوالي

وأنا رجل ما اظلم العالم ولا اشتمها

وعندي براهين تثبت كل الاقوالي

ناسٍ تعرف الصحيح وناس اعلمها

وانا تراي اعرف المخرج ومدخالي

والسالفه واضحه من دون أترجمها

ومعنى القصيدة يخاطب ناس عقالي

ماودي الناس تغفل عن بهايمها

إن طاعوا الناس هذا اللي يورالي

وإن عيت الناس مالي حق يلزمها

وإن كان به واحدٍ رأيه تصدالي

يرسل لي الحجة البيضاء ويرسمها