ياطير يوم اشريك من حر مالي

ابغى الشبب بأسفل شغايا (غنيجان)

جسمك كبير وجوهر القلب خالي

مأنته مثل ماقال ليّه (بعيجان)

ليا نطت الارنب يصيبك اجفالي

خسران من يرجي العشاء منكخسران

يقول لا جاء بالمجالس مجاليا

ستر علي الله يجازيك باحسان

اوصلني الشعبان واطلق حبالي

بأرضٍ بها حروة جراذي وفيران

ماريد شوف ام الآذان الطوالي

اللي صفار عيونها تقل حوذان

واما الحباري مابهن لي مدالي

ويطير قلبي من عيون الكروان

مير اترك الموضوع واستر خمالي

الله يخلي لك محمد وسلمان

قلت انثبر لاما تهب الشمالي

تقلعك عني يم صنعاء ونجران

ما للردي عندي مقام وجلالي

لا صار ماتفعل مثل فعل (راكان)

اللي مضى وانته مخاشر عيالي

اقطع لك الهبرة وهم بس عظمان

من اولٍ عندي حشيمٍ وغالي

واليوم قدرك عندنا مثل (....)