حنا كلام الزور مانكتسبه

ونساير العالم حسب مستواها

والرزق عند اللي خلق نوح وأبه

علام ماتبدي الصدور وخفاها

والهرج بالغياب من غير سبه

كلمة سخيفه والفشل منتهاها

والرجل واجب بالكرام يتشبه

والناس واضح طيبها من رداها

الشخص جسم وثوب والعقل لبّه

وليا جهلت بناس قيّس نباها

نطق اللسان اكبر دليلٍ ينبه

ينبيك عن نقص العقول ووفاها

وعمى القلوب هيام مفقود طبه

وعمى العيون يجوز يلقى دواها

من صارع الدنيا دخل له بغب

هسباحها يخشى شواذيب ماها

فيها نوايع جند سبحان ربه

اللي رفع سبعٍ وسبعٍ دحاها

سبحان من يخرج من الزرع حبه

وأخرج من الما كل روح وسقاها

والشعر زين وشين كلٍ لعبه

مثل الضريبه من تسلح رماها

أحدٍ ليا سدد على الزول ذبه

واحدٍ يثورها وهو ما قداها

ولا أحدٍ يشوف قصور فيما خطبه

كلٍ بقوله يفتخر ويتباها

وجهت معنايه لشخصٍ مانبه

رجّال فاهم جابتي وش نحاها

رجلٍ عن المنقود في راس تبه

يحفظ كرامة سمعته ويحماها

ماهوب مغرورٍ غروره نصبه

عشاق عميا عند وجهه قفاها

يجي لها باللي عشقها مغبه

والا النشاما ماتخثع أخطاها

وراع النميمة لا تداريه هبه

خله يروح بكلمته ماحكاها