يازين مرواحٍ مع العصر ياسيف

سجه ولا انتا قاصدلك لزومي

تظهر من إزعاج المدن لطرف الريف

وتقبض إخطوطٍ مانظامه حكومي

مقورت بزفلت ما حدها رصيف

تفر الفياض وروس صم الحزومي

وموترك جمس ضاريٍ لتكاليف

والي على سيته ما فيهم إرخومي

طرزه ثمانينٍ ولافيه تحريف

شد البلد واللون شبه إمعدومي

وارد جميح وافيٍ بالتواصيف

راعهيه ماينظر لمنهو يسومي

إليا أنكف المرباع وقبل على الصيف

بطبيلته ماعرضه للسمومي

محشوم ما ساقوه غشم وملاقيف

عاليٍ وقاره عندنا ومحشومي

لادق بنصه قام يشهر كما هيف

حر السعود منوخين الخصومي

ولادست بنصه كنه الريم لاخيف

ينكس إنبيره ثم ياقف ويومي

ويله بخد القاع عج وعواصيف

ماشالله أكبر لاتصيبه إسهومي

وبول محطة فوله أحمرٍ عيف

ولا الخضر للي ردي العزومي

مشروب موتر واحدٍ حاله إضعيف

ولابخيل ٍ ما يعرف السلومي

وشمل عليه وذب روس المشاريف

وقف بروض ٍ قفر عشبه يزومي

وإنتا وربعك كلبوكم على الكيف

مافيكم الي لاقعد مايقومي

فل السناح ودن نجرٍ ماهو سخيف

وقرب معميلك وشب الجرومي

وقدرٍ يفور وملتٍ وسطها رغيف

وعقب العشاء براد شاهي لزومي

سمره تحليها جميل السواليف

وسراجها بدرٍ يحجب النجومي