يا ذيب فالك للمراقيب يا ذيب

لو حرّكت بعض العرب واسطتها .. !

ندري .. محلّك صار لابْن المعازيب

أمور حدر الطاوله .. غيّرتْها .. !

لو حاولو يخفونها .. داخل الجيب

أقوال لجنتها لنا كاشفتها ..

بلسانه الدكتور .. بيّن بعض عيب

قدم الملا .. لشيوخها .. لْحاشيتها ..

وان حاول يْخفّي كبار العذاريب

هي واضحه من راسها لْقاعدتها

اللي تخلّلها الخلل .. كيف بتصيب .. ؟!

قصيدة ٍ تفقد وزن قافيتها .. !

تبطي ولا تاصل طوال المراقيب

تتعب جبال طْويق ما ناوشتها

والا انت جبت اللي يسر الأصاحيب

فكره .. بنات الفكْر ما شابهتها

قصيدة ٍ .. هزّت كبار الأشانيب

كل القبايل .. يا بدر أيّدتها

واصل .. وعينك للمراقيب يا ذيب

لو حرّكت كل الدول واسطتها .. !