ما حب فرعونة بشر .. ما حب فرعونة جنون
خل الهروج وْ كبّها .. والعن مع العالم بليس
لا تحسب انه صاحبك .. جاهل مع اللي يجهلون
(يويا) أعرفه من بشر .. والعجل أعَرْف انّه (أبيس)
يا صاحبي .. (آتون) قد غطّى على دْيانة (أمون)
في عهْد (أخناتون) مع عبّادة (الهليو بوليس)
قصه أبحكيها وابي يفهم كبيرين الذهون
أخت الملك هي زوجته أم ٍ يسمونه (ايزيس) .. !
من عقب ما (ست) اقتله .. أخوه ذا اللي يعرفون
هيّ اللي ثارت وجْمعت جثة بَعَلْها (اوزوريس)
ثم ودته للي بتحنيط الأوادم يفهمون
اللي خذاه وْ حنّطه من عقب صاغه (انوبيس)
ذولا وذولا شعب قد عاشو وهم لا يفقهون
ولو كان حاطو بالعلوم اللي خضر غصنه يبيس
لكن ابتركها تجر الحرف وتجر اللحون
النجمه اللي تختفي .. لا بان لي صبح ٍ نفيس .. !