تبخل علي ساعه وانا اهديك ساعات

ساعات يومي والشهر والسنيني

إتدقّ لي مرّه وانا ادق مرّات

شف مستواه الشوق بينك وبيني

يا ما أعيش امرار وهموم وآهات

متى علي قلبك يحنّ وْ يليني

حبّك منعني فيك قطع العلاقات

وقلبي ما يسمع في حكي عاذليني

يا درّة ٍ في قاع ميّ المحيطات

ربّي حماها ما تجيها اليديني

الخدّ شاش ٍ ما على الخدّ صبغات

ما حطّت المكياج بالوجنتيني

ما سوّت من الكحْل بالخدّ شامات

ولا حفّت الحاجب بحدر الجبيني

والعين عين اللي ربى بالطويلات

حرّ ٍ وفعله بالحباري يبيني

والخشْم سلّة سيف راعي البطولات

وحمر الشفايا كنها الوردتيني

عرّضتني لاهل العتب والملامات

سبّة حلاك اليا إرتسم قدْم عيني

بصبر على هجرك لو انّه معانات

ولو زدتها باقول ربي يعيني