قال الذي صاغ المعاني والاقوال

وخط القوافي والفكر صار نمرود

سلام يا شيخٍ لك القلب منزال

تعداد برقٍ بالسما لاح بالرعود

تحيةٍ للي بذرى المجد نزال

ياجعل عمرك كل يومٍ لنا يزود

يامعرّب الجدين عمٍ مع خال

نسل الشيوخ.. الوايلي.. ترثة فهود

عز الخليفه بوعلي ذرب الخصال

الوالد اللي ساسه الطيب والجود

ياشيخ ياللي طيب الساس والفال

يامن له الأرواح تستبسل تذود

وشلون مانغليك يا سيد لرجا

لوانت الحكيم اللي بالأزمات موجود

من غيرك اللي بدل الحال بالحال

وارسى دعايم نهضةٍ دوم بصعود

من غيرك اللي للوطن نور شعال

باني قصور المجد والعز مشهود

من غيرك اللي العطى منه همال

منك العطايا ما بها شي منقود

من صارت البحرين يا سنع الافعال

مدت يمينك بوعلي مالها حدود

شهمٍ .. سديد الراي .. مضرب للأمثال

واحد ولكن حكمتك تسوى حشود

يوم اجمع العالم بإصرار ثم قال

تستاهل التقدير واطياب لورود

يامنجز النهضه ترى فيك نختال

نفخر بأسمك كلنا صغيرٍ وعود

يامن علينا طلتك تشرح البال

وتزيل هم اللي بالأحزان مضهود

خليفه بن سلمان يا تاج تنشال

ربي يديمك للبلد دوم بسعود

ولاعاش من هو شايلٍ حقد واغلال

جعله بحقده دايم الدوم مفنود

ولاعاش من هو قاصد الدار عيّال

نصليه نارٍ لا وطى قرب لحدود

هذا وصلوا عد ما طار مرسال

على النبي احمد ضحه يوم الوعود

إلى خليفة بن سلمان