الشوق في داخلي لك يا غلا ينبع

وانا من اللي يبين شوقه في عينه

بذات لاصار في شرواك متولع

وش حيلته غير يصفق راحت ايدينه

يالله ليت الليالي اللي مضن ترجع

ويعود وطرٍ مضى وياك يازينه

لأسباب وش هي ابيك تقول وش يمنع

وانت الوحيد الذي نبغيه وشارينه

نهواك مير الزعل لاطال ما ينفع

محروم انا بسمتي والحال ياشينه

ماهي ترى غلطتك بس الرجا اسمع

دونك ترى القلب قد شحت شرايينه

مابين عل وعسى فجر الأمل يطلع

ويزيح ليل الجفا ويمحي عناوينه

ماعاد فيني عيون تذرف وتدمع

مليت اردد واقول اللي زعل وينه

ابختصرها ياريت بحالتي تشفع

يرضيك نهدم محبتنا بإيادينه