ياللي تغيب وتارك الشوق مشتد

وش جاك منّي يوم سيفك تسله

تروح وتتركني وعن وصلي تصد

وتزيد قلبي من همومٍ تعله

ياللي غلاك بوسط قلبي مخلد

واسمك مابين ضلوعي قد ذا محله

ان كنت ناوي عن هوى القلب ترتد

بالله علمني عن الوضع كله

لاتقطع اللي بيننا صار ممتد

يكفي غيابك زوّد الطين بله

معقوله يعني تجد الشوق والود

وغيرك لجل يكسب رضاي يتحله

والا انت ودك تاخذ الروح من جد

وكل عرق في قلبي تحاول تشله

رجواك ارحم من غدى دمعه عالخد

شخصٍ ملاه الياس والعشق ذله

يومه نثر دربك بالأزهار والورد

وشاف العمر قربك ولا قد تخله

ريتك تشوفه يا الغلا اليوم وشقد

ضايق عليه الكون والحال مله