كثيره هي الليالي اللي قضيناها انا وياه

تحت نجم السما نسهر اناجيه ويناجيني

يحط ايدينه ابيّدي وينسى كل عنا دنياه

يضيع ابسكة دروبي يتوه ابكل ما فيني

اشوف الموت في غيابه لان الروح تتمناه

يظل القلب له يشتاق شوق(ن)حيل ياذيني

ترى الله خلقني له ترى كلي انا افداه

ترى وصله دفى روحي وبعده حيل يشقيني

ترى مره كذب قلبي عليه وقال يتحداه!!

فقير القلب متحديه اذا يقدر يخليني

حبيبي مرسى اشواقي يحسب اني انا انساه

حشى ماغير ذاك الموت يبعد بينه وبيني

انا اذكرباللقا الأول انا اذكر قلبي في يمناه

عطيته بالهوى وعد(ن)وعد يبقى وسط عيني

على فرقاه انا ما اقدر .. انا ما اقدر على فرقاه

الا وشلون انا اقدر افارق روح تحييني

صحيح النظره من عينه تنسيني الشقى والآه

عيون (ن) داعجه تلعب بأشواقي وترميني

يا ربي تحفظ الغالي تحقق غايتة ومناه

تعلي قدره وشانه تزيده حسن(ن) وزيني