هالحين يعني بديت تحرك اشواقك

وتصير عاشق وقلبك صار ذا موده

هالحين انا صرت اغلى شخص باحبابك

هالحين قلبك هداني روضة وروده

هالحين صرت الذي يسكن بإهدابك

اللي له القلب دايم فاتح حدوده

سبحانه اللي قدر يعدلها احوالك!!

سبحانه اللي خلق هالكون بحشوده

ودي اصدق حكاية سر اعجابك!!

لكن اخاف الحكايه منك مقصوده

لوّل علي الحرام القلب محتاجك

يوم اللي جسمي بهواكم انثنى عوده

باب اطرقه في حياتي كان ذا بابك

ما كنت ادري بأن الدعوه مردوده

وانا حبيبي قضيت العمر احيا بك

وانت ولا داري والوصله مفقوده

هالحين يعني بديت تحرك اشواقك

تشكر حبيبي وقلبك صح مجهوده

هالحين انا صرت اغلى شخص باحبابك

هذا الكلام اللي ضحكني بمقصوده