حسافه شلون حبيتك حسبتك صاحبي يافلان
حسافه للأسف والله عطيتك كل ما فيني
هقيت ان الهوى راحه وطلعت بهقوتي غلطان
اقول العاشق التايه وضاعت بي عناويني
سويّه ذي تسويها تجازي الخير بالنكران
تعلق قلبي بقلبك تصد عني وتجفيني
تعودني على شوفك وتروي ناظري الظميان
تمتع عيني بزينك تخليها تعنيني
تخليني اجي مشتاق وشوقي فناظر الأعيان
يبين هالغرام اللي يموت وما يخليني
ابين له بأنه كيف ذايب بالهوى ولهان
على وحده تحب تلعب وانا بكره بترميني
انا ما كان لي نيه ولا قد كان بالحسبان
أجرّح بالوليف اللي عطيته روحي وسنيني
ولا فكرت اجي في يوم اشمت فيك ايٍ كان
حتى بان لي زيفك بعد ماكنت تفديني
خلاص ابعد يا محبوبي ترى بكره تجي تعبان
تقول اغفر لي يا (( ثامر )) ترى ما فيني يكفيني