وش كثر احبك انت وش كثر احبك

لا صار كل الناس من بعدك اغراب

ايه اتشرف واعشقك وافتخر بك

ولا كل من بالقلب يفقد الى غاب

البارق اللي شال عطرك وصبك

وين آخذك من دمعةٍ بين الاهداب

تبعدني اللحظه واسافر بدربك

جيتك وانا شاريك ما جيتك اعجاب

شف كم تتوق وبشرتني بقربك

عين ٍ تمنيني على شوف الاحباب

ما ينتهي بالحب شرقك وغربك

يا كثر ما ودى ويا كثر ما جاب

يا لب ريحانك بقلبي وربك

أغليك انا لاسباب واسباب واسباب

وفيت لك من طيب ساسك وقلبك

واشتقت لك من بعد ربعي والاقراب

وان كان ما انت اغلى البشر وش تحبك

لا صار اشوف الناس من بعدك اغراب