تثيرك لا مشت واستوحدت بالأرض والآفاق
تمايل كنّها الغصن الندي لا جيت تدعيها
ملاكٍ لا مشت بين الخلايق تلفت الاعناق
كساها الله دلال وزين وين اللي تباريها؟
إلى مرّت تشوف الكون كله خلفها ينساق
وانا اللي به يعزيني أبد محدٍ يجاريها
تشوف عيونها والموت وتحلف كم لها عشاق
وهي بالحب ما يسكن بقلبه غير غاليها
إلى من جيتها تقبل علي بلهفة المشتاق
ترامى كنها هاك الحرير اللي انتثر فيها
يضيع الثلج بالعنّاب في ثغرٍ لها براق
وانا من شفتها سمي وبسم الله يحميها
وفيّه .. والوفا فيها يزيد الزين بالاخلاق
وهي لي فرحة الدنيا باولها وتاليها
وانا ما انلام في حبه وعذابي منّها ينطاق
واغار ان جا أحد غيري باسمه صاح يناديها