يارافعٍ سبعٍ بليا ساري

طالبك ترفع قدري ومقداري

يالله تجنبني دروب الزله

واختر لنا بفضلك مالاْ نختاري

عساي اعيش ابذكر يشرح صدري

وان متْ اموت ولاشكاني جاري

ومادام من قدرتك عبدك شاعر

عسى قصيدي ماعليه اغباري

وبندر فديتك يابن ابويه قرّب

ياللي من اسمك تفتخر اشعاري

لاهانوا اخواني ابيك ابكلمه

وانا ليا مابعت والا شاري

بي ضيقةٍ ياخوووك شقّت صدري

ضيقٍ ماوالله يقتنع باعذاري

الحل وشهو لاعدمت حلولك

في اللي يضيّقني ولو بالطاري

جاوب عليْ يالله طلبتك سترك

ولافيه شئ الا وله معياري

ارتاح واشرب ماءْ وبلل ريقك

واكتب قصيده واشرح اللي صاري

بندر .. انا بنشدك يابن ابويه

سرّك ليا اضهرته لواحد غاري

واحد عزيز وْ لالحقه اقصوري

لكنّ علّم واحدٍ مايْداري

قال انت هاللحينه امام الواقع

وعلّمت من علّم بسرّك غاري

وش موقفك من بعد هذي قلّي

والتجربه برهان وانته داري

وش موقفي؟؟؟ انشهد انْ لي موقف

من بعد هذي ماني ابمحتاري

سّري ماوالله عاد احد يدري به

غير انت وابويه بعون الباري

لوهو يداحم خافقي في صدري

يبطي بصدري ماسمعه ازراري

واذني بعد يمكن ماتسمع سرّي

ولوهو ابيميني ما اظهره ليْساري

السر سر ان ماتعدّى صدرك

وان باح يمكنّه يصير اخباري

صدرك غطى محدٍ بكاشف سدّه

والا اللسان اليا تكلّم عاري

سرّك بصدرك طمعةٍ للصاحب

وفي صدر غيرك طمعةٍ للزاري

ذا موقفي من تجربه وامجرّب

ماهو اقتراح ولاهو امن افكاري

قال: السعد ياذكر ابوي وجدّي

هذي وصاياهم وحنّا اصغاري

ومادمت عارف ليه اجل تنشدني

واللي ماهو امخيّر ماهوْ مختاري

قلت اله: ابي يوجعك شئ اوجعني

وتصبح مجرّب والزمن غداري

وسرّك ولو زانت سوالف مجلس؟؟

يبطي بصدرك مادرى به غاري