ساعة الفرقا تشب النار في مشلح برودي ...!!

وانت ياللي مادريت الا يميني اتدق بابك!

لاتخليني بعد مارحت في رجوى (تعودي) ..!

قلل اشناط السفر واحسب على الرجعه حسابك

الوداع ايثير فيّ الصمت وايهين الوعودي...!

كنّه ايقصّر حياتي لو يطوّل في شبابك

عطرك الجذّاب من رحتي وهو يبكيه عودي!

وتبكي اذني كل كلمه منك لو انه عتابك

ويش اسوّي في الخفوق اللي عشق ريحة جدودي؟

ويش اسوي في النبات اللي عروقه في ترابك؟

انت كنّك سابك وْقلبي كما الشعب السعودي

واقتصاد المملكه لاشك تثّر فيه سابك..!!

انت منهو مايجود ان حلّ لك طاري يجودي!

وتدري انّ اثياب غيرك ودّها تصبح ثيابك ..؟

ضقت من بُعدك وضاقت بي من الضيق الحدودي

صرت ما اداني الذهاب اللي يذكرني ابذهابك

قمّة ايماني شرف واموادعك مثل اليهودي

ومسجد القدس ابخفوقي واليهودي هو عذابك

اذكرك لامن سمعت (اهواك) والا (ياوجودي)

وكل ماضاقت عليّ الضيق ذكرنّي رِحابك

ماعلى الساني بعد يوم الموادع غير ..(عودي)

ياعسى (عودي) نهار امواجهك تفدى (هلابك)

اتغنى بك لحن لو تعزفه اْوتار عودي

تبكي ابيات القصيد اللي مدوّنه ابكتابك

وتسكت اغاني الزمان ويحضر الصمت ويسودي

وينكسر فنّانها وايذوب في رشفة شرابك

ايه ياروحي وبوحي ياحدودي ياجنودي

كل شئٍ يعشقك فيني كثر ماهو يهابك ..!

كيف ادلّه خاطري يابهجتي حتى تعودي؟

الصبر عساه يتحمل حبيبك في غيابك

في غيابك ..اخفي الدمعه عن عيون الحسودي

واطمئن ابريحة اللي باقيٍ لي من ثيابك