جيتك أمل مطعون في خنجر اليأس

والا أنت ( للمشتاق ) مافيك همه ؟

كأني طفل محروم من رحمة الناس ؟

ماني بقايا أنسان مهدور دمه

لا لا حشى ماعود لك خاضع الراس

ماني من اللي كل شيٍء يهمه

قلبي معك بسم الغلا (صادق أحساس)

وأخلاص ماظنيت قلبك يضمه

يامعذبٍ غاليك في قوة الباس ؟

ماغيرك أوقد بي لواهيب همه

صدقي وشوقي لو تقيسه بمقياس ؟

تدري بأنك عايش أبدون ذمه

كنت أحسب أن الصدق مبني على ساس

ومردداً مابين خاله وعمه

ولو للهوى ( ياهاجري ) روح وأنفاس

ماضاقت أنفاسي اليا رحت يمه

ماتدري أن الموت : هو موت الاحساس

والشعر موقف والرجاجيل همه

أن قلت لي ماخان بكليب ( جساس ) ؟

أقول شوف ( الزير ) جاب المطمه

( الله يبيحك ) كثر ماهب نسناس

ويسامحك كثر الطعون الملمه

وجيتك أمل مطعون في خنجر اليأس ؟

يوم أنت ماعندك ( للاشواق ) همه