ياحرف واللة ماشكى رأسي خلاف

ولا حسبت اللي شكاني شكالي

ياحرف واللة ماقبل حلول الانصاف

ولا تقبل القسمة علّية لحالي

أما تجي بسهول والا للتلاف

عاندت ميلات الزمن من أهبالي

جتني كذا عشرات مئات والآف

وقبلتها بطيبة وهيبة خوآلي

طبعي وأعرفة مايجي رأس ميهاف

متربعً فوق الجبال العوالي

اللة منحني للغلا قلب ميلاف

وعزمً على شيل الحمول الثقالي

لو الصبر ياحرف بالعين ينشاف

تشوف صبري فوق قدر أحتمالي

ياما بركت وشلت حملي بلاكتاف

ولاأصد في وجة الرفيق الموالي

تلقابي أنسانً عطوفً وشفاف

مذكر جرحت اللي من الناس جالي

ماقول في كل المواجيب نواف

رجلاً أواجة عند مس الحبالي

أشوم باحساسي على كل مشراف

واثق بصدقي والوفا من خصالي

وبين الشعر والنزف والجرح سيّاف

فيض المشاعر تستبيح المحالي

شاعر ومتمّرس على صخرة القاف

والشعر كنة واحداً من أعيالي

اليا زهمته ترتجف منه الاطراف

وقبل أنشدة يعطي الجواب لسؤالي

أنا على عرشة مسّيطر ولا أخاف

وهبة من اللة مادعيت الكمالي

عرفت بة عاذل وحاسد وبلاف

وعرفت بة منهو يحارب وصالي

وعرفت بة وافين صافين وأشراف

ناسً هم المكسب وهم رأس مالي

وياحرف حرفي منتصر مأبي أخلاف

لو أختلف ظني بهم ماغدالي