أطلقت لافكاري لجام الاعنه

حتى تبلور من نسمها قصيده

قررت أقطع قيد الافكار لنه

تزهد ليا حبْسِت نفوسً زهيده

دام الجمال أغطاه والشعر فنه

أمنتك الله يالافكار العنيده

طيف الخيال بغيهن وهقنه

في ظرف نظره الف فكره جديده

روحً تبوح السر روحً تكنه

من كنته للبوح صارت تسيده

أما فهمت اللي ذكرت ونسنه

والا أكرر ماتقول وتعيده

لقيت عذرك للمواعيد كنه

يقول ماكانت وعوده أكيده

خيول فكري قيدهن حطمنه

وبين الامل واليأس حطمت قيده

خانن رموشً دمعهن وقفنه

ياصعب والله دمع خطو الوليده

رجيتهن مايرسلن وأرسلنه

حتى غرق خدي بنار الوقيده

حسبي عليهن بالعهد خوننه

وخانتني الدمعه وصارت أكيده

لمحتها من فوق رمشً بلنه

نظرات عبدً خان في عهد سيده

وعزيت خفاقً همومه حدنه

وشح الامل وخان العضيد بعضيده

لاصار ماهدومك جسدك أسترنه

من عاد ترجي هم قلبك يفيده

عزاه من جور الليالي أبعّدنه

يلين لو قلبه سوات الحديده

آهات صدري والجروح الاسنه

تزارقن صدري بغصت وريده

أطلقت زرقن وبلهن سيلنه

مكتوب لي والوضع ماكنت أريده

مثل الجميل اللي تقفاه مّنه

حت الورق والريح صاح بجّريده

وكلن على الثاني حسامه يسنه

ملعون راعي التفرقه والمكيده

الاسئله وحلولهن دوّرنه

وضاع الجواب بظل جمله مفيده