أحبك قبل يتلاعب بصدري مشرط الجرّاح

على فكره تخفّي لاتشوفك عين جراحي

أخاف إليا لمح زولك يجن وينقلب فلاّح

ويحرث في الحشا لأجلك وتتضاعف بي جراحي

بعذره من يلومه لك هدب لو يرتخي ذبّاح

وعين تخلي الصاحي خبل وإللي خبل صاحي

كحيله ناعسه فيها كسل يستنزف الأرواح

عنيده شامخه ماهمّها لو هبّت رياحي

ورمشك لو يشوفه شيخ ذب البشت والمسباح

تراجع وانتخى ( ياوالله إللي رحت يامناحي )

يغار الشهد من ريقك وعطر ورودك الفوّاح

فديت الغرّه إللي بدلت حزني بأفراحي

أحبك قبل يتلاعب بصدري مشرط الجرّاح

عليك الله وأمانه لاتشوفك عين جرّاحي