جيتي بوقتك توني باتصل فيك

لأنك تأخرتي وشوقي تزايد

تصدقي بالله ؟ كنّا بطاريك

أنا وطيفك والولة والقصايد

أشتاقلك وإنتي بقربي وأحاتيك

تخيلي حبي لك شلون كايد

ياكثرك بقلبي وياكثر أساميك

وياكثر ماحتاجك لبدع الفرايد

خليك جنبي جالسة قد مافيك

العيد قربك وإمهليني أعايد

بسافر بعينك وأعانق موانيك

صحيح من قال السفر له فوايد

تكلمي غذي مسامع محاكيك

خليني أنظم من حروفك قلايد

لي إذن هيمانه ولي قلب يغليك

ولي عين ماترضى بموقف محايد