غني وبسرق من شتا تربتك .. ناي

أنا حرامي .... ه المساء .... أسجنيني

قضبان عشقك وطديها من أقصاي

بك متهم .... وأعلن : إدانتك .... فيني

مكتظ بك شاعر وحولك .... بقاياي

أنتي البقايا ..... أو أنا ..... ( رجّعيني !!

حبك تركني للمدى : (رايحٍ جاي !!

وأدري سنابل (ه الوله) ..... تحتريني

جيتك لأنك .. عايشه .. في / حناياي

محتاج ألمك ...... داخلك .... دثريني

نورك وسورك / والتفاصيل جواي

كانت في صدري ..... عايشه وأسأليني

كيف العشق يتبرزخ بداخل .. شفاي

(أبكي فرح) / (أفرح بكا) .... صدقيني

مثل الطفل أمشي وتتراجف خطاي

من حشرجه صوته تعب .... ألبسيني

آخذ رحيلي عنك . والليل .. مسراي

أخاف .... نجمات الفجر ... تعتريني

تعكس عليّ وجيه حزني وضوضاي

وحضره ...... ملامح باهته ... تعتليني

باب العطيف وليل .. يزفر بفرقاي

عند الرصيف اللي جرح راحتيني

لمة بقايا الذاكره .. طفل شرواي

شرواي طيب أدري .. طهر يحتويني

بيني .. وبيني طين والطين مرساي

كم كنت أردد / طينه الشوق طيني

شقراء وأنا لاقلت شقراء .. وش الراي

وش لون أرحل عنك .. لاتسكنيني

ولا آسمعيها ساكنه .. بآخر أقصاي

أنا حرامي ه المساء .. أسجنيني