ماجيت أدور في مكانك بقاياي
جيتك أدورني ترى ضعت كلي
شفني مشيت هناك مارحت وياي
كلي غفا عندك أنا فيه قلي ؟
لو كنت نايم طالبك قوّم أعضاي
لو تدري أني موت محتاج ضلي !!
ماكنت خليت العشق يسكن أقصاي
ولا كان سقيت العشق في محلي
اسف
أباخذني معي
باخذ أشياي
خذها ملامح بوهتي
لو
تسلي
كني وطن ينقص من عروقه الماي
كني شجن عايش على جور غلي
ياهي قساوه ضيم تستعذب الناي
صاير أنا بين المخاليق خلي !
أحضن دموعك وسافر !
لاتجففها عليك !
هو صحيح الدمع كافر !
إيه وش ذنبه يبيك !!!!
وبرحل !
في سما زرقا
هناك : بعيد
وإذا هـ العيد سأل عني :
قل له أول الغيّاب !
رفض نفسه !
تجارب تشبه أوقاته
وحسراته
لاخر حب
واخر صرخه نادت له من الأحباب
أشوف الهم لحظاته كسوله
تطوّل والمدى يبعث جروحي
تعالي للتعب شوفي هطوله
مللت أجلس هنا وأثري بروحي
بزوغ الضيم مستشرق بدوله
يشابه ف القدم معنى طموحي
يفارقني الفرح وأبطى حلوله
يشردني الألم هدم صروحي
غديت ألحين واحد من فصوله
إذا جيتي ذهب حزني ونوحي
لعب فيني وأخذ فيني بطوله
وهاجرني وهاجر نبض بوحي