(1)
عَلَي بالصبر روحي
ما تمني
وانه الواقع اعيشه
ما تمني
تره من ازمان عمري
مات مني
وقريت الفاتحه آنه عليَّه
(2)
زرعتك ورد مو للبيع
للشام
بهواك اغلگت ميت باب
للشام
تعال اثنينه وانروح
للشام
ونتباوس على عناد آل اميه
(3)
إذا هوه السهم والإيد
وهرام
شتاني؟ وكبر بيه العمر
وهرام
اشوف اجبال من الحزن
وهرام
وكل لحظه هرم يوگع عليَّه
(4)
يا دم رسم صورة مجد يا دم
وظل ذكرى اعله مر الوكت يا دم
گلي اشفادك التفاح يا دم
جبت ليك وجبت لينه الأذيه
(5)
اليخون الزاد ويه الملح
مو باي
تره الشينات عند الغير
مو باي
دعوة فرح رنت وسط
مو باي
رگص حتى الخليوي بين اديه
ــــــــــــــــــــــــــــــــــــــــــــــــــــــــــــــــــــــ دارميات
(1)
ما بيه حيل اوداع
ومفارگ أحباب
تتراعش الچلمات
بشفاف العتاب
(2)
سهرانه عيني ابضيج
شافت أعاجيب
ومعسره بالدمعات
ما تگدر اتجيب