باچر رايحين وكلشي مجهول

نهايتنه رهيبه اشهالنهـايه

درب ما ينحزر ويطول ويطول

الشغله مو بدينه.. امن البدايه

اجينه ليش؟ ليش انروح؟ شتگول

عليمن ناس تمشي وناس جايه؟

ملايين الگبلنه وشنو المحصول

نفس المسرح ونفس الروايه

وما واحد إجانه ابخبر معقول

ايسولف عن دهاليز الزوايه

بس حب أهل بيت النبي المرسول

دنيه وآخره حبهم هدايه

سفينه للنجاة وعمل مقبول

وعلى اشراع السفينه احسين رايه

المحب كل الأمان ابحب علي اينول

لئن هيه الشفاعه بالولايه