صوتك يناديني وأنا اقول وينك

بيني وبينك عدة اميال واميال

ودي اجي لك وارتوي من حنينك

مشتاق اجي لك واسهج الحب خيال

مشتاق اشوف الود في وسط عينك

واعطيك من عيني من الود شلال

مشتاق احس يدي تلامس يدينك

ونحس في طعم الهوى قرب ووصال

مشتاق اساير خطوتك في سنينك

اسامرك بالليل ولشمسك ظلال

مشتاق اعايش ضحكتك في جبينك

واشوف نورك بالفضا يشعل اشعال

مشتاق أضمك لاتمادى انينك

اعطيك من روحي هنا لو هو آمال

مشتاق اشيلك من عناك وأعينك

مشتاق لك والشوق سوا بي أهوال

مشتاق أنا مشتاق مشتاق وينك

أنا بحقيقه أو وهم شاعري قال