على بيض الورق بكتب خوافي غاية الأشواق
وابيّن للبشر حبك واقول البعد منطاقي
احبك واعشق انفاسك واموت بطرفك السراق
سرق فكري وخلاني احبك حيل وانساقي
احبك ضمني بصدرك وسافر بي ورا الأفاق
لعالم حبنا الوافي وبترك عالمي الشاقي
تعال وامسك يديني ودفي قلبي المشتاق
تعال واقترب مني ضميت وقربك الساقي
تعال وباعد افكاري عن هموم تصيح افراق
ابنسى كل مافيني واعيش لحبك الباقي
حبيبي هالهوى قاسي وناره طبعها حراق
حرام ان غبت عن عيني تغيب الشمس بشراقي
غرامك اوجد بعيني بحر في داخلي غراق
تعال وهدي امواج تصافق داخل اعماقي
احبك غايه آمالي بقلبي غايه الأشواق
اخاف ان طول غيابك تزيد وتحرق اوراقي