مثل البحر يا بنت زينه بشينه

وهذا عذابي يا ترى كيف بختار

الملح ميزه وكلنا عارفينه

بس البلا في داخله كل الأمرار

والوصل مده وكم عطتنا يدينه

ومنه الجزر يا بنت اصبحت محتار

اشوف فيه الود وحلى السكينه

ولامن تعلى موجه اقول جبار

وفيه الوفا احيان لاتنكرينه

ولانكرأنا انه صفه لكل غدار

له قصةٍ صارت بقلبي حزينه

وله فرحةٍ تشبه مداخيل الأمطار

وله غربةٍ واقولها لك وينه

والقا وطن عمري على شط الأبحار

وله لوعةٍ صارت بجوفي دفينه

وفيه السلاة وقلت ياموج دوار

مثل البحر انتي وشوفك فطينه

وشفت التناقض أكشفي كل الأسرار

مثل البحر والقلب بيح كنينه

يا خافي الأعماق حليت تذكار