غريبه قصة الفرقا بدرب العاشق المهبول

يعيش بحسرة افكاره ويشوف الموت باحواله

يهل الدمعه ويشكي زمانه ما بدا بحلول

يخيم هم في باله يحس اليأس يبداله

بعد ماكان هو منه غدا له غايب ومجهول

غريبه قصة الدمعه اذا جالت على وصاله

وبعد ماكان له فارس تمشى به جحش بهلول

ألا وشلون يا دنيا خذلتي عشق خياله

وبعد ما كان له نور وشعاع بشوفته مذهول

يجوز ان الشعاع أكذب واصدق منه ظلاله

وبعد ماكان من شوقه يغيير نغمة المحمول

عزاه اليوم يتعطف تجي من شوقه ارساله

تقول ان غبت عن عينه تعذب واصبح المسلول

اشوف الحين له مده وهو ما جا في باله

الا ياجاهل احساسك تعلم وانطق المعقول

هذاك القول في صدره اذا طال الجفا قاله

الا لاتامن الدنيا وفكر في صحيح القول

غرام الوقت يا صاحب عذاب النفس يبراله

اذا قيس وفقد ليلى وعنتر ما لقى المكحول

تبي تلقى بزمان الكذب خلٍ يصدق القاله؟

ابيك الحين تنساها وتترك لعبة الجندول

بدايتها نهايتها صدوده يشبه قباله

تجيك بهمسها الدافي وطرفٍ ناعمٍ مخجول

تهز القب من حسنه بذاك الجد مختاله

عليها من الدلع لون ويهدك خصرهالمفتول

اذا ناظرت في عينه تشوف السحر بأشكاله

وهي كذبه وسط أبريل ومايو ومارس وآيلول

بكل العام هي كذبه وصحيح القول محتاله

يقولوا أسأل مجرب ولا تسأل طبيب بقول

وانا جربت من قبلك واعرف الحب واحواله

بعض هالحب له طيفٍ يجيك ولا يجيك بزول

لأن الفكر هو صدق الكلام ويبني أماله

وبعض الحب ياصاحب تسلي والحقيقه جول

حمامه طارت وطارت وقناصه فقد حاله

وبعض الحب لاصابك بقول لحالتك لحول

يبي لك أربع أرجال يصيروا لك حماله

هذاك اللي سرق فكرك وخلى نظرتك مدلول

تبين كل آهاتك وقلبك عاف منزاله

وانا ياصاحبي قبلك وكنت العاشق المهبول

لأن العشق في قلبي وفكري صار مدهاله