تبي العذر مني على ماتوده

تبي اترجى وطلبك لاتخليه

العاشق اللي احرق الدمع خده

يرتاح بالك بالمتاهات ترميه

بذكرك باللي مضى ولا أرده

تخطي علي واقول بالحق لوميه

طبع الجفا والصد قلبك يوده

ولامن زعلتي كل وصلِ تعافيه

كم مرةِ نادى غرورك أهده

غرامك اللي داخلي عفت مابيه

وكم مرةِ بالشك فكرك تمده

وانا من اسباب الغلا قلت نا سيه

وكم مرةِ حبل الوصل قلت شده

ابيك تفهم خافي القلب وشفيه

لا لا تقول اللي مضى لا تعده

أعد كم جرحِ بقلبي وضعتيه

دامي عطيتك قلب ليه تصده

هذا الغرام اللي بقلبك رسمتيه؟؟

يا بنت درب الحب مافيه رده

ولو ترجع الأيام والله ماجيه