لاصاحبٍ يعذر ولاخل ياوي

حتى الأهل صاروا على القرب عدوان

لايازمن ماهي قصيده هواوي

هذي قصيده تكتب علوم وازمان

كتبتها والقلب فيه البلاوي

وعزاه ياقلب(ن) شمل كل الأحزان

العين تذرف دمعها والخطاوي

سارت لدرب(ن) فيه الأشواك بستان

خذ يازمن قلب(ن) من الهم عاوي

ذيب السريه اصبح اليوم منهان

صابتني الدنيا صواب النداوي

يضيع عزه لو جبر كسره وزان

دنيا غريبه ولا تدوم العزاوي

كم من عزيز(ن) راح والعمر خوان

يالايمي ياعل ماهي هقاوي

دامي رماد عقب نار ودخان

لاصار فعل الطيب لرضاك شاوي

لاترفع الدبوس في وسط شويان