ياسي من الدنيا وياسي عليها

وياسي على فكرٍ شقى منها وخاب

كل مابدا يومٍ اقول أرتجيها

ويمضي زماني بين مقفي وطلاب

شفت الجفا والريب والهم فيها

تسقي مرار وارتشف مر الأسباب

يانفس من ذيك العطايا عطيها

شاب الضمير وخافي الوقت ماشاب

قالت عطيت وكل معنى يجيها

جيته رضا والله ماجيته عتاب

مديت ايدي بس تقصر يديهأ

جيته موّد وقفلت دوني الباب

صديت عنها قلت لاما أبيها

والقى بها ناسي من اصحاب واحباب

تعبت !: باعتني وانا أشتريها

رجيت !: جازتني بجرحين واحساب

لاواهني من هو بقبره نسيها

ماشال ذنب وواجه الحق مرتاب

ماغرته دنياه قال احتويها

اتراب ساس وانتهى اسفل تراب