مالك شبيه بدنيتي ما بها زي

حسنك ورسمك روعتك ياحلاتك

لاما أصدق لاتقولين لي خي

دام الحلا كسر بعيني مراتك

يكفي جبينك يشعل الكون بالضي

ويكفي الشهد ماعاش كود بشفاتك

ويكفي القمر ما بيّن بطلتك شي

مدري حيا ولا يضيع بحلاتك

يا أجمل من الزين ياحلا من الفي

ياللي جميع الناس ترضي برضاتك

انتي الهوا أنتي العطا انتي المي

ياسعد عين اللي يموت بغلاتك

ترفقي بنظرتك خفي شوي

دخيل ربك ماتشوفي سواتك..؟

لايابعد من لي وكلي وبعد حي

اطلب تمني روح روحي فداتك

ليتك قريبٍ لي وليتك بعد لي

اشهد برب البيت لاقي خطاتك

مالك شبيه ويل حالي وياوي

حتى خيالي مايشبه صفاتك