ابي اسرق من همومي هموم تجرح الأبيات
واخاف اكشف عن الخافي واتيه بوسط اهاتي
حزين وباين بعيني واحاول اخفي الدمعات
كثر ماخفي الدمعه احس تزيد عبراتي
امد الكف كم مره ويصفعني الردى مرات
ردى هالحظ قاعد لي يعكر كل لحظاتي
يسافر بي ورىالدنيا لديره شعارهالآهات
ترحب بي وتهلي بي وتدفن كل ضحكاتي
تمد بساطها الداكن وتنثر شوك للخطوات
وانا امشي رغم هذا واخاف تقل خطواتي
رجعت لدنيتي شايل من همومي كثر ما فات
رجعت وشايل بصدري عذاب الكون في ذاتي
جروح وظيم مع ضيقه وغم وفوقهن حسرات
ضياع وغربه وشكوه وعزه تبني سكاتي
فراق وشوق للفرحه وونه وبعدها همسات
واثاري الهمسه ياحظي صدى من صوت وناتي
خلاص ولابي اسرق من فوادي بعد ما مات
خلاص اليوم ياقلبي رثيتك في كتاباتي