قالوا : حبيبك ما نشوفه عسى.. خير

قلت بـ صراحه راح ربي يعينه

قالوا : الهجر خلى عيونك .. مساهير

قلت الوصل منه يجيب السكينه

قالوا : على ما نعتقد يعشق الغير

قلت الملا يفدون رمشه وعينه

قالوا : تدوٍر ؛ للخيانات .. تبرير

قلت الوفاء كله طلع .. من يمينه

قالوا : نبي تكفى لها اللغز تفسير

قلت المعاني كلها له رهينه

قالوا : تكلم سرك اليوم في بير

قلت المفارق ما أتى من يدينه

عندي يقين إنه إذا غرد الطير

يشتاق ..لي ثمن يسوقه حنينه

لكن محد ياقف بـ وجه المقادير

وقبلي من العشاق عاشق بثينه

قرم و شجاع ولا لقى له تدابير

حال القدر ما بين خله و بينه

عيوا عليه و عاش عمره مخاسير

وأصبح هواه العذب علقم سنينه

وأنا وجميل أخوان من باب تصوير

و قلوبنا تنبض مشاعر حزينه