لاتحسبون الشعر كله خيال

بالشعر عله وأنا داويتها

شامخ المعنى وأبياتي جزال

موهبه جتني وأنا نميتها

أبتديته يوم أنهيت الجدال

في ضروفٍ جايره .. عديتها

قسوة الأيام مع غدر الليال

عوجا عوجا .. وين ما طقيتها

قلة الحيله ولو خانت رجال

ما تزعزعهم واناتحديتها

ما كتبت الشعر وابغالي ريال

تنكسر يًدي إذا .. مديتها

لا تعجب لا ولا تسأل سؤال

هالضروف الله يخرب .. بيتها

قمت أحلحلها وزادت إنفعال

رافضه حلي وغصب حليتها

بالشعر روضتها وكلي نضال

ودها تهرب وانا رديتها