في ملتقى إحساس للشعر قيمه

وأكبر دليل أن الشعر فيه سامي

شعار إلهم باس وإلهم عزيمه

جمعهم المحياس راع المقامي

تلاقو الشعار في وسط خيمه

وكلن على ما قيل شد الحزامي

أحدن ذراعه بالشدايد حميمه

وأحدن ذراعه قيًدة بالخطامي

وأحدن لسانه بالمواقف خصيمه

وأحدن لسانه بالمواقف عصامي

وأحدن سواتي ما يحب الظليمه

وأحدن بعقله جاب معنى كلامي

الكل منا صار يملك غنيمه

وكلن على صيدته أصبح يحامي

بالشعر صدنا والنوايا سليمه

نموت ولا يصبح حدينا حرامي

هذي جديده لا حشى مي قديمه

كتبتها وصوبت منها سهامي