الشعر فن وكاتب الشعر فنان

ولولا القصايد ما سمعنا الأغاني

لا صارت الأبيات جزلة والألحان

مثل الأماكن ندخل بجو ثاني

الشعر ماله لون له عدة ألوان

وألذ وأطيب لون شعر المعاني

الموهبه!! تترك على النص عنوان

بصمه لشاعرها فلان الفلاني

وأنا زرعت الورد في كل بستان

إلين ما لاح الزهر وأحتواني

شعري وأعرفه يكفي أنه كحيلان

لامن دعيته قال أبشر!! وجاني

وأنا مع كحيلان في كل ميدان

يفزع معي وأبني عليه الأماني

الشعر تاريخ وقبايل وأوطان

ولا كل شاعر كان مثلي يعاني

أنا كتبت الشعر من نار الأحزان

اللي سلب من جور قلبي حناني

سكت وأثر الوقت يبغى له لسان

وإنحلت العقده وأبطلق لساني

يا شينها لا صرت تبغى لك إنسان

واللي تبي يبغى له إنسان ثاني