الديوان » السعودية » مبروك بن ماضي » حكاية فالنتين

عدد الابيات : 12

طباعة

قالت لي العشاق سوو لهم عيد

وش فيك ماعايدتني قبل يومين

اليوم (سطّعشر) وقبل أمس تحديد

من شهر فبراير تلاقوا المحبين

قلت اسمعي وش لي بعرف المقاريد

اللي نقلدهم دواماً في الشين

ماعمرنا خذنا من الغرب مايفيد

ولاعطونا طيلة الوقت شي زين

حنا لنا عاداتنا والتقاليد

ومن قبل هذا طاعة الله في الدين

لو إنّه إلاّ ورد لازرع لك البيد

ورود حمراء مثل منتي تحبين

المشكل إنّه فعل خاطي وتقليد

غربي إلينا صّدروه الملاعين

ياما وياما صاب الاسلام من كيد

كادوا ومازالوا يكيدون للحين

وإحنا كأنّا عن مكايدهم بْعيد

نمشي ولا ندري خطانا الى وين

غلاك يكبر في الحشاء دوم ويزيد

من قبل مسمع عن(حكاية فلنتين)

ملعون ابن ملعون له مكر وِيْريد

يسوّق أفكاره لبعض المساكين

أي حُب ودك نحتفل به و أي عيد

اللي أعْر فِه عندنا بس عيدين

نبذة عن القصيدة

المساهمات


معلومات عن مبروك بن ماضي

avatar

مبروك بن ماضي

السعودية

poet-mabrouk-bin-madi@

16

قصيدة

مبروك بن ماضي شاعر نبطي سعودي من مواليد 1973م في منطقة عسير. اشتهر بقصائده العاطفية والوجدانية التي تلامس مشاعر الناس. له العديد من القصائد المغناة من قبل كبار الفنانين مثل نوال الكويتية، ...

المزيد عن مبروك بن ماضي

تصفح ايضا

avatar

زاهي الأسلمي

poet-zahi-alaslami@

avatar

صالح عبدالكريم

poet-Saleh-Abdulkarim@

أضف شرح او معلومة