قل خير ولا اصمت لاتشتت أفكاري

ياقاري الكف فال الله، ولا فالك

ان كان مكتوب تلعب فيني أقداري

هذا نصيبي ترى ماهو من (إهبالك )

وش لون أصدقك وانت مْن الصدق عاري

كل الحقائق تؤكد كذبة أقوالك

انا اتحداك تقدر تقفزأسواري

راعي خيالات واوهاٍم تهيالك

أنالي حبيبٍ إذا ماجبت به طاري

عنه فؤادي سألني إيش سّوا لك

أغليه أناحيل ليته بالغلا داري

واحبه أناحب مايخطر على بالك

مابعته أبداً لأني دوم له شاري

وش لون أبيعه وهو لِفؤادي المالك

هذا وله فوق حبي كل إصراري

على الوفاء دايماً واقسم على ذلك

ياعاذلي ويش لك تترقب أخباري

تموت مهموم أحسن روح في حالك

مافيه مصلوح لك من كشف أسراري

حتى ولو كان بعض الحكي يحلا لك

أنا مفوض أموري دوم للباري

وكيلي الله وحده مالي ومالك

أدري خساره حروفي فيك واشعاري

بس ودي أفضحك وافضح خيبة أعمالك