لونفترض صابك وبا النت وادمنت

واشغلك شاتك عن أداء واجباتك

كم طاعةٍ لله فيها تهاونت

كم فرض في الجامع خسرته وفاتك

كم غرك الشيطان واخطيت واذعنت

وارخصت له في غفلةٍ منك ذاتك

دنياك هذي لونظرت وتمعنت

فيها ترى ماتنفع إلاّ صلاتك

أبنصحك وانت أسمع النُصح لاهنت

من دون ذِكْر الله وش هي حياتك

سبح وهلل واذكر اللي به آمنت

واستغفره وأسأله دايم ثباتك

واشكره لولا فضل ربي لِما كنت

أصلاً عرفت النت ولاكان جاتك

وفي النت لوضللت بعقول كم بنت

عِزْالله إنك مابلغت أمنياتك

تدرك مدى كُبرالخطأ لوتيقنت

ترضى باحد إنه يعاكس خواتك

محدٍ على الفعل الردي قايلْ أحسنت

ومحدٍٍ يخاف الله يسوي سواتك

على دروب الطيب لو ماتمكنت

تمشي عدل.. كِف غيرك إمغامراتك

ومهما تباطيت العقاب ُوتطمنت

لابُُد ماتلقى جزاء سيئاتك

أقولها وبْعالي الصوت لو إنت

عاقل عليك الله فُقْ من سُباتك