أسعد الله صباحك لي ويسعد مساك

ألتقي فيك والقى فرحتي والهنى

لا تخافين شايف بك خجل وإرتباك

سولفى مابه الا انتِ وقلبي وانا

واطمئنّي تري مابه هوى إلاهواك

يعلم الله مالي عن غرامك غنى

وسط قلبي مكانك فيه يكبر غلاك

لاتغارين من غاده ولا من منى

انتِِ ياللي البهى كله بعض من بهاك

ساطع النور لي مرك وقف وانحنى

والسنى ماتوصل بعد لآخر سناك

في حضورك بهيه وش يكون السنى

جيت عطشان ودي أرتوي من لماك

ودي آصل معك لآخر حدود المنى

ودي ابلغ الى أقصى مدى من مداك

لآخر العشق لي مزروع بقلوبنا

ودي أقطف ورودك واجني أطيب جناك

بعد ماحسنك الساطع عليه جنى

جيت ودي أحقق ياحياتي مناك

علنا ل التقينا تصدق أحلامنا

جيت يابنت واقف لك بعتبة فناك

ودي أنسى التعب كله معك والعنى

كل ما غاب طيفك عن خيالي دعاك

قلب عاشق ينادي لك تعالي هنا

وأسعدالله صباحك لي ويسعد مساك

والتحيات والأشواق واحلى الُمنى