يامبادلني النظر وانت النظر

لا تخاف البعد يا كل الشعور

دام حبك في حناياي استقر

لا تظن انه يجي مني قصور

من بنى لي في وسط قلبه قصر

عاهده قلبي يشيد له قصور

الدقيقه في غيابك كالشهر

والشهر في غيبتك كنه عصور

وانت غايب اشتكى منك الزهر

فاقدٍ في غيبتك أحلى الزهور

وانت راجع مات عذالي قهر

مالقوا بك علةٍ قالوا غرور

مادرو انه بحسنك منبهر

حلم عمره لو يمرك بس مرور

ويامفارقني وانا ملكك قدر

ياموردني سراديب القبور

الجمال اللي بزولك منحصر

مالكٍ قلبي وانا قلبي صبور

ويامبادلني النظر وانت النظر

شيل من بالك يجي مني قصور